АЛЕКСАНДР АНКВАБ ПОЗДРАВИЛ УЧИТЕЛЕЙ РЕСПУБЛИКИ С ПРОФЕССИОНАЛЬНЫМ ПРАЗДНИКОМ
Сухум. 5 октября 2022. Абхазия-Информ. Премьер-министр Александр Анкваб поздравил работников просвещения с профессиональным праздником – Днем учителя.
В поздравлении отмечается:
«Акыр иаԥсоу арҵаҩцәеи арҵара-ааӡара аветеранцәеи! Гәыкала ишәыдысныҳәалоит шәзанааҭтә ныҳәа – Арҵаҩы имш!
Иалшәхыз амҩа, зегь реиҳа иаамсҭашәоу, арҿиареи аҭакԥхықәреи зцу занааҭуп. Хаҭала арҵаҩ иоуп иназыгӡо ауадаҩра зцу, ихадоу аус – еиҵагыло аҿар рааӡареи аҵара дырҵареи.
Дарбанзаалак димоуп зегьы иреиӷьеишьо, бзиа иибо арҵаҩы – гәыҳалалрала, баҩхатәра дула иԥсҭазаара ҳәаақәызҵо, ихы дақәгәыӷуа ауадаҩрақәа риааираҿы амҩа иаша дықәызҵо, аԥсадгьыл абзиабара илазааӡо. Шәџьабаа еснагь ҳаҭыр ақәуп, ахә ашьара уадаҩуп.
Ҳаҭыр зқәу арҵара-ааӡара знапы алаку зегьы!
Шәычҳареи, шәыҳалалреи, шәусура гәыкала шәахьазыҟоуи рзы, иахьатәи шәныҳәамш иацзааит агәырӷьареи алахҿыхреи. Шәаԥхьаҟа имариам шәзанааҭтә ус аҿы ишәзыԥшызааит шәџьабаа шәԥызгалаша абаҩхатәра злоу аҵаҩцәа.
Ишәзеиӷьасшьоит аихьӡара ҿыцқәа шәнапы злаку шәус аҿы, иара убас зегь ирыцку агәабзиара, анасыԥ, аманшәалара!»
